" KAPAYAPAAN AT PAG-IBIG "

by Joel Tavarro Thu Oct 16, 2008 9:26 pm

� KAPAYAPAAN AT PAG-IBIG �
Redfox007

� Sa wakas, magkaroon kayo ng pagkakaisa at magtinginan kayo ng mabuti. Magmahalan
kayo bilang magkakapatid, maging maunawain at mababang loob. Huwag ninyong gantihan ng masama ang gumawa sa inyo ng masama. Huwag ninyong alipustahin ang umalipusta sa inyo. Sa halip, ipanalangin ninyo na sila�y pagpalain yamang hinirang kayo upang tumanggap ng pagpapala ng diyos.� (1 Pedro 3:8-9)

Maraming tao ang likas sa kanilang katangian ang pagiging matulungin, mabait, mahabagin at higit sa lahat relihiyoso kung kaya naman nakauunawa siya sa tunay na salita ng diyos. Kadalasan, grupo, barkadahan o di kaya�y magkakaibigan ang magkakasamang dumadalo sa banal na pagtitipon o misa. Ganun pa man, sila rin ang nagkakatampuhan at nagkakagalit na kapag hindi nagkaayos ay nauuwi sa pagkasuklam o pagkapoot. Marami ang umiiyak, nagmamakaawa at nakikiusap humihingi ng tulong sa diyos, kasabay nito ang pag-aalay o paghahandog o kaya naman ay nagbibigay ng ikapu at baka sakaling tugunin ang kanilang panalangin.

Subalit taliwas ito sa tunay na paghahandog na siyang kinalulugdan ng panginoon. Dapat nating mabatid na ang hinanakit o galit sa kanyang puso. Katulad lamang ng sumasalok at nagsisikap lagyan at punuin ng tubig ang isang tapayang may butas. Hindi ito maaring mapuno sapagkat tumatagas. Paano nga kaya makakaipon ng kayamanan ang tao sa langit kung ang laman ng kanyang puso ay sama ng loob, galit at hinanakit?

Bilang mga kristiyano, nawa ay maliwanag sa bawat isa na ang nais ng panginoon ay pagkakasundo, pagmamahalan at pagtuturingang parang tunay na magkakapatid. � Kaya�t kung maghahandog ka sa diyos at maala-ala mong may sama ng loob sayo ang kapatid mo, iwan mo muna ang iyong handog sa harap ng dambana at makipagkasundo ka sa kanya. Saka ka magbalik at maghandog sa diyos. � (Mateo 5:23-24)

Hindi ba�t napakasarap sa pakiramdam kapag naghahari sa iyong dibdib ang kapayapaan at tila nag-uumapaw sa puso mo ang pag-ibig? Kung ang lahat lamang ay may ganitong mithiin sa buhay, marahil ay mawawalan na ng puwang sa mundo ang galit, inggit, suklam, away at poot. Minsan kapag ikaw ay nasa panig ng kabutihan at kabanalan ay para bagang marami ang tumataas ang kilay. Hindi naniniwala bagkus ay inaabangan pa kung kailan ka magkakamali. Subalit dapat nating alalahanin na kapag ang diyos ay panig sa atin, walang anumang magiging laban sa atin.