Pasasalamat sa inyong kabutihan

by alwyin Mon Sep 29, 2008 11:14 pm

***Pasasalamat sa inyong kabutihan***

Para sa lahat ng may mabuting kalooban
Na ang tanging hangad nilay kapwa ay matulungan
Upang ang problema sa trabahoy malunasan
Pagbibigay ng impormasyon na tama at may basihan

Salamat sa inyong lahat na may mabuting kalooban
Lalo na sa lahat ng Sulyap at Fewanians
Na ang panahon nila ay binibigay sa kababayan
Para mabigyan ng tugon inyong kahilingan

Sa oras naman ng pamamahinga na para sa sarili ay nilimot nila
Dahil doon ang oras na mas mahalaga
Na ipaabot sa kababayan ang sagot sa katanungan nila
Bukod tanging maiaalay ay tulong sa kapwa

Kaya kong nais nyo na sa kanila ay mapasama
Kayo din ay magkakaroon ng karanasang magaganda
Maibahagi ang aral, payo at hiling sa problema
Ito ang isang paraan para tayo ay magkaisa

Na ibibigay ng panginoon sa iyong puso at kaluluwa
Ang pagtulong sa kapwa na kanyang biyaya
Di dapat sayangin itoy pagyamanin natin
Di dapat isabahala, di dapat baliwalain

Ito din ay isang kayamanang di kaylanman mawawala
Dahil pagdating ng araw ay iyong magugunita
Na ikaw din ay isang bayaning may pusong mapagkawang gawa
Isang Pilipinong maisigaw sa iyong pagka dakila

by Guest Tue Sep 30, 2008 1:42 am

by angel Tue Sep 30, 2008 4:32 pm

ang ganda naman ng iyong tula kaibigan
tungkol sa mga taong may likas na kabutihan
hindi naghihintay ng anumang kabayaran
hangad lang ay kapwa Pinoy ay mapaglingkuran

bibihira na ngayon ang mga taong ganyan
saril'y ibinabahagi't di pinagdadamot ang nalalaman
hirap at pagod pa ay talagang kinalilimutan
upang ang ibang tao ay sadyang matulungan

mabuhay ka at salamat sa iyo Sir Alwyin
ipagpatuloy mo ang magandang layunin
tulungan ang kapwa sa kanilang suliranin
biyayaan ka pa sana yan aking panalangin

halik