...pArA sA mgA kAibigAn kOng hUgis...

by mikEL Sat Sep 27, 2008 10:47 pm

PARA SA MGA KAIBIGAN KONG HUGIS

Marami ako ngayong kaibigan
Alam ko sadyang naguguluhan
Ngunit paano nga ba ako daramay
Gayong hindi nila ako nilalapitan.

Nais ko sana silang tulungan
Samahan sila sa oras ng pangangailangan
Pero anong tulong aking maibibigay
Kung mas gusto nila mag-isang lumaban.

Ang tula kong ito para sa kanila
Nang kanilang mabatid may makakasama
Nakahanda akong dumamay tuwina
Ipagkakaloob aking makakaya.

Sana naman mga kaibigan
Wag mahihiyang ako ay lapitan
Naririto ako laging abot kamay
Magbibigay lakas na inyong kaylangan.

CircLE kahit di mo man sabihin
Alam kong marami kang alalahanin
Wag mag-dal'wang isip na lumapit sakin
Pagkat nakahandang ika'y unawain.

Wag ipagmalaki na ika'y matatag
Kaya makakayang harapin ang lahat
Paano nga ba ikaw liligayang ganap
Kung ikaw tuwina di magiging tapat.

TriAngLE di ko talaga maintindihan
Bakit nga ba ikaw ngayo'y nagkaganyan
Pero kahit hindi ko maunawaan
Nakahanda pa rin na ika'y damayan.

Huwag mahihiyang sa akin lumapit
Lalo kung may kaba iyong mga dibdib
Ang aking pagdamay di ipagkakait
Nang agad maglaho takot sa'yong isip.

SqUArE alam ko na kaya mo yan
Pagkat sa pag-iisa ikaw nga ay sanay
Bigat ng 'yong loob madaling gagaan
Kung may kaibigan ka na makakaramay.

Hindi kasi sa lahat ng oras
Ang mga pagsubok makakayang lahat
Dalangin ko sana ikaw ay mamulat
Mga kaibigan kaylangan mong ganap.

HEArt hindi ka nag-iisa
Kaya wag solohin ang mga problema
Iyong kalungkutan aking nakikita
Hindi maitago ng huwad mong tawa.

Alam kong labis kang nasasaktan
Pagkat ang puso mo ay sadyang luhaan
Nakahanda ako makinig kaibigan
Kaya wag mahiya na ako'y lapitan.

REctAngLE kahit di mo sabihin
Bakas sa mukha mo pasakit na angkin
Aking mga kamay ay iyong abutin
Upang mabawasan ang iyong hilahil.

Humilig ka sa aking balikat
Iyong mga kamay sa aki'y ihawak
Kung ang iyong puso sadyang naghihirap
Wag mahihiyang sa aki'y umiyak.

DiAmOnd sana ay wag mag-alala
Pagkat pang-unawa ibibigay tw'ina
Sa puso'y ialis ang mga pangamba
Pagkat sa tuwina maya makakasama.

Sa'yong pagdurusa ako ay tawagin
Pagkat ang iwan ka ay di ko gagawin
Kung ako'y kaylangan kaibigan giliw
Tawagin mo lamang ako ay darating...

by angel Sun Sep 28, 2008 5:42 pm

ako nama'y natuwa pagka't hugis ang tema ng tula
mga kaibigan mo alien marahil sa iyo lang ay nahihiya
huwag mag-alala pagka't sila sa iyo ay lalapit ng kusa
alam ko pagtulong sa iba ikaw ay lagi lang nakahanda

halik