" YAHWEH "

PAPURI PARA KAY EL SHADDAI



Noong 2006 nakadalo ako sa pagdiriwang ng anibersaryo ng El Shaddai sa Tongsong Auditorium ginanap ito pagkatapos ng banal na misa. Hindi ako nakisaya dahil inisip ko na bakit pinagsabay ang selabrasyon ng magkaibang sekta sa lugar ng mga Katoliko. Hindi ko gutso maki isa sa pagsayaw nila at patalun-talon. Hindi ito normal para sa aking pananampalataya.

Pero lagi iyon sa isip ko sino nga ba ang pinapupurihan nila? At bakit ganun nila iyon bigyan ng halaga. Dahil hindi naman ako interesado lumipas ang mga araw na wala akong kaalaman tungkol dito.Mahalaga na sa akin ang nagsisimba sa Romano Katoliko at naglilingkod.

Nagkaroon ako ng pagkakataon makilala siya. Siguro dahil na rin sa ginusto niya na makilala ko siya. Siguro ay tinatawag niya ako. Siguro ay kailangan ko siya. Ngayon, isa na ako sa mga nagpupuri sa kaniya. Nagagalak magpatalun-talon at sumayaw para sa kanya. Nagsasakripisyo para manalangin.

Tila nagkaroon ng pagbabago. Napakaraming nangayaring pagsubok ang napagdaan ko ngunit alam ko naman na wala akong lakas para makayanan ang lahat. Mga pagsubok na kay hirap harapin mag-isa. Pero nagpatuloy ako manalangin ng walang sawa at umaasang hindi niya ako pababayaan. Sa lahat ng biyayang nakamit ko sa pamamagitan ng pagtulong niya, ang bawat araw upang papurihan sya ay kulang pa.

Anu nga ba ang magandang dulot ng El Shaddai at bakit parang hinahanap hanap ko na siya tuwing sabado ng gabi. Dito, hindi lang kami nananalangin para sa sarili namin. Ipanapanalangin din namin ang lahat ng mga tao sa buong mundo. Ang mga may sakit, pulitika, edukasyon, at iba pa.

Bagamat wala naman akong pang pinansyal na laan para sa tulong napag isipan ko na kahit ganun alam ko na ang aming mga panalangin ay ito ay napakalaking tulong na para sa bawat nangangailangan ng panalangin.

Sa pagkakatong ito, hindi na ako mag iisip kung bakit ganun nila papurihan si El Shaddai dahil isa na ako sa magbibigay ng mataas na papuri para sa kanya.