"ugaling alimango"

by superman Sat Jul 12, 2008 2:38 pm

masakit man isipin pero parang totoo
ugaling alimango likas sa filipino
mainggitin sa ibang termino
hinde natutuwa sa tagumpay ng ibang tao

bato-bato sa langit tamaan wag magalit
kung sa halimbawa ko ikaw ay mabangit
nais ko lang sanang ipabatid
ugaling alimangoy salot sa daigdig

ihalimbawa ko sa inyo ang pulitika
mga kandidato nagpapakilala
kanya-kanyang raket upang makilala
ang iba pa ngay dinadaan sa kanta

pag botohan ay malapit na
lumalabas na ang baho ng bawat isa
saan nanggaling ang mga intriga?
saan pa? syempre sa kalaban nila

lipat naman tayo sa buhay artista
pag bago palang pinasisikat nila
pag umangat na at nakilala
kabi-kabila na ang bato ng intriga

hinde ba pangit kung iisipin
kung tagumpay ng ibay ating pipigilin
wala itong mabuting idudulot sa atin
kahit itanong mo pa kay Rev. Alvin

sana naman atin nang limutin
o sa bokabularyoy atin nang burahin
ang salitang "mainggitin"
upang kapayapaan ay mapasa-atin

matuwa tayo sa tagumpay ng iba
pag butihan ang trabaho upang maging kagaya nila
isa itong hakbang sa pagiging maligaya
pati ang Dios mapapasaya mo pa

AMA namin na mahabagin
kapayapaan nawa ay mapasa amin
pag-ibig sa puso ay paghariin
upang mawala ang pagiging mainggitin

by Elizer Penaranda Sat Jul 12, 2008 3:29 pm

He got a point and it's a reality. And, it's not late yet to boost the morale of the people whom we think are deserving and better.

Thanks for sharing and keep on writing for migrants our 'Superman'.

by mikEL Sat Jul 12, 2008 4:48 pm

ganda ng tula mo kaibigan

tama ka

likas na sa ating mga pinoy
(este,alien nga
pala ako hehe)
ang ganyang ugali

marami sa mga kababayan natin
ang di natutuwa
sa biyayang
natatanggap ng iba
lagi kasing nagpapatalo sa inggit

sana nga
wala ng naiingit
sana nga
maging masaya na ang lahat
sa biyayang natatanggap ng bawat isa

para wala ng away
para wala ng alitan
at maghari ang pagkakisa at kapayapaan
kaylanman...