isang panawagan

by mikEL Tue Jul 01, 2008 8:41 pm

ISANG PANAWAGAN

Bakit nagkakaganito?
Anong nangyari sa bayan ko?
Sawa nako magbasa ng dyaryo,
Pagkat balita ay pare-pareho.

Sa tuwina ay nagtuturuan,
Mga pulitiko'y nagpapagalingan,
Laging sinasabi si ganito at si ganyan,
Maraming kaso di dapat pagkatiwalaan.

Noong nanungkulan si Pang. Marcos,
Kahit noon ay isang musmos,
Laging naririnig ay pagbatikos,
Inang bayan daw ay di naaayos.

Naaalala ko nong naupo si Pang. Cory,
Tao sa edsa noon ay pagkarami,
Ito raw ang makabubuti,
Sa inang bayang naduduhagi.

Noong pumalit si Pang. Ramos,
Bayan daw ay lalong naghikahos,
Dumami raw batang namamalimos,
Nadagdagan ang pamilyang kinapos.

Pumalit naman si Pang. Erap,
Sabi ay tunay na makamahirap,
Akala'y s'ya ang pag-asa sa pag-unlad,
Ngunit pangako nga ba ay napako lahat?

Ngayon namang nakaupo si Pang. Gloria
Paug-unlad ng baya'y nalimot na,
Iba-iba naglalabasang istorya,
Nalimutan ang tunay na pagkakaisa.

May bukas pa kayang naghihintay?
Sa Inang Bayang minamahal,
Sana lahat ng nahahalal,
Isapuso ang panunungkulan.

Di naman kasi makabubuti,
Pagkat Inang Bayan ang naaapi,
Kung laging iisipin ay sarili,
Pagkakaisa ay iwag isantabi.

Itong tula ko ay isang panawagan,
Isang paalala rin sa kinauukulan,
Magkaisa tayo at magmahalan,
Para sa pag-unlad ng Bayan.

Isang panawagan itong aking akda,
Isang panawagan mula sa simpleng makata,
Isang panawagan para sa ating bansa,
Isang panawagan na mapansin nawa...

(a poem by besfren mikel)

by amie sison Mon Jul 07, 2008 12:36 am

sometimes, we can't blame our government. all country is a corrupt country but it is depend on every individual to be responsible citizen.