for hyehwa community

[amie sison]

SALAMAT HYEHWA
Amie Sison

Unang pagpunta ko dito sa Hyehwa
Ako ay nagkaroon ng pag-asa
Kay daming Pilipinong makikita sa kalsada
Inisip ko di pala ako nag iisa

Napa iyak pa ako nang silay nasilayan
Kung di ko na matiis ang akijg byenan
Ang Hyehwa ang aking unang pupuntahan
Para sa problema ko akoy kanilang damayan

Malaking tulong sa akin ang simbahang Katoliko
Para sabihin ang lahat nang nasa loob ko
Ang lahat ay todong maisigaw ko
Para sa problema ay makayanan ko

Ilang buwan din at hindi ko na sila kasama
At ang anak ko ang tanging pag-asa
Doon muna ako sa Pinas upang makasama ang pamilya
Sa paglabas nya ,kanilang makita

Sa pagbalik ko sa Hyehwa muling dumalaw
Nalaman pati ang center na naging aking tanglaw
Sa mga taong nang api sa akin di nila ako magagalaw
Takot lang nila pag akoy sumigaw

Salamat Hyehwa sa iyong tulong
Sumaya ako sa kaunting panahon
Pagkat magtrabaho muna ako doon sa Daejon
Upang pamilya, aking maiahon

Patawad kung minsan lang kita mapasyalan
Pagkat ako ay nagkaroon ng kasintahan
Ang simbahan ng Gasan ang aking naging takbuhan
Tulad din ng turing sa kahit anong simbahan

Isang taon din at ang relasyong ay natapos na
Bumalik muli ako dito sa Hyehwa
Nagyon ay paglilingkuran na kita
At ibibgay ko ang lahat ng aking makakaya