OFW Lang Ako, Hindi Ako Milyonaryo!

http://kuro-kuro.org/archives/6876


Bakit nga ba nag-a-abroad ang mga Pilipino? Dahil ba masarap mabuhay dito sa abroad? Dahil ba masarap ang pagkain dito sa abroad? O dahil ba magiging milyonaryo ka dito sa abroad?

Akala ng mga kababayan natin sa Pilipinas, masarap ang buhay natin dito sa abroad. Hindi nila alamna mas kina-iinggitan pa natin sila dahil sila, araw-araw andoon kasama si Juan dela Cruz, kasama ang pamilya, kinakain ang mga gulay sa likod bahay, nakikipagchismisan sa kapitbahay tuwing hapon, panay tawanan. Sarap ng buhay nila diba? Hindi nila alam, tayo halos hindi makakain habang nasa trabaho. Kahit gusto natin kumain ng gulay na sariwa, hindi natin magawa dahil minsan mahirap hanapin dito sa abraod ang mga gulay na hinahanap ng ating mga dila. Kung meron man eh sobrang mahal naman. Samantalang sila, isang lingon lang sa likod bahay abot kamay na.

Akala nila masarap ang buhay natin dito. Hindi nila alam na minu-minuto ay gumagawa tayo ng larawan sa isip natin ng mga lugar sa atin para man lang kahit paano ay maibsan ang pananabik natin na muling umapak sa lugar na kilak’han natin. Hindi nila alam na kahit bugbugan sa trabaho, wala kang choice kundi magtrabaho pa din. Kahit may sakit ka na, sige pa din sa kayod tapos uuwi ka sa bahay at ikaw lng mag-isa. Ikaw ang magluluto ng pagkain, maglalaba, maglilinis ng bahay. Lahat ‘yan ay gingawa natin kahit may sakit tayo dahil wala naman tayong choice diba? Akala niyo panay kain namin sa restaurant. Hindi niyo alam hanggang tingin lang kami kasi mahal at mas gusto pa namin ang pagkain niyo dyan sa Pinas.

Akala nila tuwing sahod ay nasa mall tayo, nagpapakasarap sa kinikita nating pera. Hindi nila alam andoon tayo, nakapila sa napakahabang linya sa banko para makapagpadala ng pera at pantustos sa araw-araw nila. Tapos pag-uwi sa bahay, kukuwentahin ang resibo saka iba-budget kung anumang natira para sa sarili. Hindi milyon ang kinikita namin dito, napakaliit lang ng sahod. Tama lang para sa isang buwan niyo dyan sa Pilipinas at tama lang din para sa amin dito. Minsan nga pinagpipilitan na lang naming pagkasyahin ang mga natitira sa amin.Wala naman kasi kaming choice kasi kayo talaga ang priority namin para mapabuti kayo. Kaya nga kami nag-abroad, hindi ba? Hindi kami ngwawaldas ng pera dito. Sa katunayan, todo tipid nga eh. Kaya kung nasaan at kailan ang 75% sale, dun lang kame lalabas at kahit malayo pa yan e ppuntahan namin para makabili lang ng ipapa door-to-door namin sa inyo.

‘Pag uuwi ka naman sa Pinas sasabihin sayo, “uy balikbayan! milyonaryo! painom ka naman!” Nakatatawa diba? Porket galing abroad milyonaryo na? Hindi nila alam kung anong hirap at pang-aalipustang dinanas natin dito makapag-uwi lang ng konting pera para sa pamilya tapos sasabihin milyonaryo ka? Magpapainom pa? Hahaha, kuya patawa ka. :p

Tama, sumasahod nga kami ng dolyar pero dolyar din naman ang ginagastos namin dito. Kahit mahal ang mga bilihin, wala kaming choice kundi bilhin lalo na kung talagang kailangan. Hindi kami nagrereklamo pero hindi din naman namin gustong mapalayo sa inyo pero eto lang kasi ang paraan para kahit paano mas gumaan ang buhay niyo, buhay natin. Ang hiling lang namin, sana pahalagahan niyo ang bawat sentimo na pinapadala namin. Sana ibili nyo ng pagkain at mga pangangailangan niyo, hindi yung sa sugal, barkada, alak at bisyo niyo lang gagastusin. Sana mag-aral kayong mabuti kasi yan na lang ang sukli sa hirap at pagod kasama luha namin dito. OFW kami, hindi kami milyonaryo… hindi pa!

http://kuro-kuro.org/archives/6876

napakagandang kuro-kuro nyan. Mabuhay ang mga Pinoy OFWs.

diba may thread na dito same as this?