GANTI NG KALIKASAN

by Joel Tavarro Fri Feb 05, 2010 5:40 am

GANTI NG KALIKASAN
Joel Tavarro

Malupit na hambalos ng mga nagdaaang bagyo
Ngayon�y napagmasdan, pabaon niyang delubyo
Buhay ang kinitil, upang mag paalaala sa mga tao
Sapagkat malinis na hangin, nilason at inabuso.

Berdeng kagubatan, kabunduka�y kinalbo
Yaman ng kalikasan, pinagsamantalahan, inararo
Para sa sariling kapakanan ng ilang ganid at maloko
Esterong barado, basurang itinapon, babalik din sa�yo.

Bulkang Mayon ay nag alburoto, walang sinasanto
Ipinamalas sa lahat, taglay na asupreng nakapapaso
Nagbabayang wasakin, lahat ng nasa paligid nito
Kung pagninilayan, silip sa pintuan ng impiyerno.

Palalong karagatan, pag-atake mo�y anung lupit
Maraming maglalayag na rin, niligis at pinilipit
Sa lawak ng tubig nito, hindi lubos maisip kung bakit
Mga barko at bangka sa silong mo�y nakahalukipkip .

Lindol na yumanig , yaman sa lupa�y kinukupit
Ilang buhay pa kaya ang maaaring maumit
Iniwang larawan sa gunita ay nakaipit
Ganti ng kalikasan, abot langit ang sakit.