Happy Mother's Day Mami (sana)

Happy Mother's Day Mami (sana)


Good morning mommy...
Ang ganda naman ng iyong mga ngiti...
Excited na kong malaman mong nandito ako
Ako yata ang pinakamagandang regalo sayo

Paglabas ko yayakapin kita ng mahigpit
Habang ipinaghehele ng iyong mga awit
Papawiin ko ang iyong mga luha
Sa pamamagitan ng mga munting uha
Sana mami, mapansin mo na ako
Nagmamahal na binhi sa sinapupunan mo


Mami alam mo ba isang buwan na ko dito
Naiinip na nga akong madama ang yakap mo
Pero tiyak ko excited ka na rin
Na ako'y alagaan at pangitiin
Hindi bale sandali na lang naman
Ano ba naman ang walo pang buwan


Yehey! Mami 2nd month na natin
Tuwang-tuwa ako't iyo na ring napansin
Nandito na ako, ang cute na cute mong baby
Sinong kamukha? Di mo pa masabi

Hindi bale paglabas ko tiyak matutuwa ka
Syempre kamukha mo ko sayo yata ako mana
Ang mapupula mong mga labi, mga matang nakangiti
Paglaki ko gagayahin kita, idol yata kita mami!


Pangatlong buwan na natin mami naiinip ka na ba?
Narinig ko ang lahat, sobra ang aking saya
Sabi mo pupunta tayong clinic para magpatingin
Relax lang mami ha, wag masyadong isipin
Para sayo magpapalakas ako
Para sayo titibayan ko
Para sayo magpapakabait ako
Lahat gagawin ko para lang po sayo


Mami? Bakit ka po umiiyak?
Ah siguro sa labis na galak...
Siguro kasi hindi mo na matiis
Na mahalikan ang labi kong maninipis
Sabi ko na nga ba love na love mo ko
Syempre love na love din kita mami ko
Bukas kamo babalik tayo sa doktor
Tapos ikakabit ulit ako sa monitor
Yehey! Champion talaga ang mami ko
Hinding-hindi ko sasayangin ang mga luha mo


Mami andyan ka po ba? Bakit po madilim?
Wala akong marinig, paligid ko ay itim
Mami aray! Mami ang hapdi!
Bakit wala ka po ngayon sa aking tabi?
Naririnig mo ba ang aking mga iyak
Habang ang katawan ko'y kanilang binibiyak?
Sobra ang hapdi, sobra ang sakit
Hindi ko na po yata kayang mangunyapit

Mami ayaw mo na po ba sa akin?
Hindi mo na po ba ako yayakapin?
Hindi na po ba tayo mamamasyal?
Tulad ng lagi kong ipinagdarasal?
Mami akala ko po ba love mo ko?
Akala ko magiging masaya tayo?
Pero di bale kahit nagkaganito
Hindi magbabago ang pagmamahal ko sa iyo

Sa huling sandali, gusto ko pong masabi
Ikaw ang the best... Happy Mother's Day Mami...

aborted???waaaa