...kAhit nA...

by mikEL Tue Nov 18, 2008 5:04 pm

KAHIT NA

Bakit di kita makalimutan?
Kahit na lagi akong nasasaktan,
Paano nga ba kita maiiwasan?
Upang matigil ang aking kahangalan.

Batid ko na talagang hindi tama,
Kaya nararapat iwanan ka na nga,
Ngunit ano ba ang aking magagawa?
Kung di ka mawaglit sa aking gunita.

Lagi ko na lang sinasabi,
Ayaw ko na sapagkat walang mangyayari,
Pag-ibig ko sa'yo ay isasantabi,
Pagkat ayaw kong magsisi sa huli.

Ngunit kapag iyong ngiti ay nasisilayan,
Ang lahat ay aking nakakalimutan,
Basta ang mahalaga sa piling mo hirang,
Tanging nadarama ay kaligayahan.

Kahit na ituring na ako ay baliw,
Anumang paratang ipukol sa akin,
Magiging bulag at bingi oh giliw,
Pagkat aking puso ay iyong alipin.

Kahit na sabihin na ako ay mali,
Nais kang kapiling sa bawat sandali,
Kahit na nga bukas maiwan mang sawi,
Itong aking puso laan sa'yo lagi.