" BANGON "

by Joel Tavarro Fri Oct 31, 2008 6:19 pm

"BANGON"
Joel Y. Tavarro

Napakaganda ng binuo mong mga pangarap
Bago ka lumisan para sa inyong hinaharap
Ang maiahon ang pamilya sa gutom at hirap
Karamay sa lungkot at ginhawa, maging sa pagsisikap

Naalaala mo pa ba, noong nag-apply ka sa embahada?
Maghapon silang naglugaw, pasaporte lamang ay makakuha
Kaliwa't kanang utang, di malaman kung mababayaran
Para lamang isugal ang kanilang kinabukasan.

Subalit nandito na sa Korea , nagkasakit ng amnesya
Pira-pirasong pangarap, nawala na sa alaala
Iba't ibang bisyo at pita ng laman ang inaatupag
Matigas na ang kalooban, kahit konti di nababagabag.

Kopol-kopolan ba ang sagot sa iyong kalungkutan?
Ito ba ang tamang paraan at kalutasan?
Malaswang pag-iisip, laging silid ng isipan
Hindi mo ba kayang iwasan ang tawag ng laman

Kaibigan, maliit man nawa'y may konsensya ka pa
Mga mahal na naghihintay, di ka ba naawa?
Panandalian lamang ang ginhawa mong tinatamasa
Baka bukas o samakalawa, ikaw ay muling nakatunganga.

Huwag hayaang sa kasalanan ikaw ay masiil
Nang hindi mabansagang" isang dakilang taksil "
Bumangon kang muli, kasalukuya'y harapin ng may tapang
Mga pagsubok sagupain ng buong lakas at kakayanan

Samantalahin ang pagkakataong bigay ng Panginoon
Makamit ang pangarap at makamtan na ngayon
Namnamin ang tagumpay ng ikaw ay magkaroon
Ito'y dalangin mo noon, Kanya namang dininig at tinugon.

by amie sison Mon Nov 03, 2008 12:45 pm

MAKISAMA
Amie Sison

Ang pamilyang ating iniwan
Nasasabik na sila ay mayakap man lang
Kanilang ngiti ating mapagmasdan
Nagitiis dito para sa kanilang pangangailangan

Kay daling lumipas ng panahon
Buhay nila sa Pilipinas inti-unti sa pagbangon
Matapang na hinaharap ang bawat hamon
Upang pangarap ay tuloy tuloy sa pagdugtong

Kung ikaw ay nawawalan ng pag asa
At pakiramdam mo ikaw ay nagiisa
Ikaw ay makisali sa organisasyon sa Korea
Malay mo baka sila ang magsilbing pamilya

Dito ay di ka mauubusan ng kaibigan
Nandyan para iyong sandalan
Iyong ngiti sila ay bahagian
Kaunting panahon sila ay saluhan

Sama sama tayo sa gawaing mabuti
Ipaalala ko na tayo ang bagong bayani
Kung maari sa Dyos tayo sy magsilbi
At manguna sa ikabubuti ng marami

" BANGON "

" BANGON "

Re: " BANGON "