Kung Pwede Nga Lang

by angel Tue Sep 23, 2008 4:58 pm

Kung Pwede Nga Lang

Kung pwede nga lang na ibalik ko ang nakaraan
Hihilingin sa Diyos Ama na buhay mo'y dugtungan
Upang muli ikaw ay aking mayakap at mahagkan
Mga pangaral mo ay hindi kailanman kalilimutan

Kung pwede nga lang ang telepono ay ikabit diyan
Di sana ikaw ngayon ay akin nang natatawagan
Araw-araw tayong dalawa ay magkakamustahan
Sigurado walang humpay ating mga kuwentuhan

Kung pwede nga lang sa langit ang cp ika'y bibigyan
Kahit mahirap pa ang signal pilit ko itong hahanapan
Para mga mensahe at mms ika'y aking napapadalhan
At madinig ulit ang boses mo kahit ito'y panandalian

Kung pwede nga lang ang email ika'y akin ng nasulatan
At i-aattached ko pa rito ang aking mga solong larawan
Sana kahit chat at cam to cam tayo ay mapahintulutan
Nang sa ganoon kahit saglit ika'y aking mapagmasdan

Kung pwede nga lang na makaabot ang videoke dyan
Isasalang ko ang awiting iyong gustong pinakikinggan
Alam ko na iyan ay isa sa mga paborito mong libangan
Sapagka't noon di ba, ito'y nais na nais mong sinasabayan

Kung pwede nga lang na itong aking tula nasa iyo nakalaan
Ay personal mong mabasa dahil nais ko rin na 'yong malaman
Lolo sa pag-aaruga mo't pagmamahal labis kitang pinasasalamatan
Miss na miss na kita, alam ko patuloy mo pa rin akong ginagabayan