WAG MATAKOT...

by marzy Sun Sep 07, 2008 11:16 pm

HUWAG KANG MATAKOT

May takot ka bang nararamdaman?
Sa sarili ba ay naguguluhan?
May mga bagay bang nais na subukan?
Ngunit natatakot at nag-aalinlangan.

Pangamba ang iyong nararamdaman,
Pagkat alam mong sadyang di maiiwasan,
Kasama talaga sa ating pamumuhay,
Makaranas na mabigo at masaktan.

Huwag kang matakot kaibigan,
Isipin mo na kaya mo yan,
Ang pangamba at pag-aalinlangan,
Iwaglit mo sa iyong sa puso at isipan.

Tiwala sa sarili ay wag mawalan,
Manalig ka sa Poon nating tanggulan,
Huwag kang matakot pagkat makakamtan,
Ibibigay Niya tagumpay na inaasam.

by mikEL Sun Sep 07, 2008 11:19 pm

ang galing2x naman...

may tinatago ka rin pala

ganyan nga kaibigan

kapag alam mong ikaw ay may kakayahan

ipakita mo mo

para makapagbigay ka ng kasiyahan....

MABUHAY KA....

by marzy Sun Sep 07, 2008 11:28 pm

tenchu beri mats ALIEN sa editing waaaaaaaaaaaa

idol

by amie sison Mon Sep 08, 2008 1:41 pm

wow! keep it up! matagal ko na itong hinihintay! see you around!

by angel Mon Sep 08, 2008 5:00 pm

Ako'y nagulat ng mabasa ko itong magandang tula
Pinagmasdan kong mabuti kung sinong may-akda
Si kaibigang Maru pala ako nama'y talagang natuwa
Bakit ngayon mo lang inilabas iyong pagiging makata

Ito ba ang iyong kauna-unahang tulang nilikha
Kung ito nga, ang dating ay sulat ng isang bihasa
Sana dagdagan mo pa ang iyong mga tulang gawa
Ako'y sadyang iyong na-inspired at napahanga hanga

Mga sinabi mo sa tula aking sinasang-ayunan
Pangamba sa puso ay dapat na pakawalan
Lakas ng loob sa tuwina ang ating kailangan
Upang pagsubok ay tuluyang mapaglabanan

Sa pag-ibig at kahit saan mang larangan
Mayroong tagumpay at mayroong kabiguan
Huwag kang matakot na mabigo at masaktan
Sapagka't sa pagkatao iya'y di isang kabawasan

Alisin ang takot at lahat ng pag-aalinlangan
Magtiwala ka sa iyong sarili't mga kakayahan
Paalala, huwag lamang sana itong sosobrahan
Paglaki ng ulo't kayabangan ay alisin sa isipan

Pagdarasal sa Ama'y huwag sanang kalilimutan
Magtiwala sa Kanya, tuwina Siya'y pasalamatan
Hilingin na sa ano mang desisyon nawa'y gabayan
Upang tagumpay ay makamtan na nang tuluyan

Keep it up Maru...ang galing mo... idol

by neon_rq Mon Sep 08, 2008 9:49 pm

ok ang poem mo maru ah....

magaling ka rin pala hahahha

kumpleto rekado ang bawat salita at patlang nyahahahaha

cge pagpatuloy mo toto....

baka may nakatago pa jan ha labas mo baka jan ka kumita sa sunod

seroiusly nice poem......keep it up....

by crazy_kim Tue Sep 09, 2008 8:44 pm

sige manong pipilitin ko hindi matakot ky neon wahehhee jowk

seriously speaking..galing mo manong gumawa ng poem!!!!

gutom k po b ng ginawa mo yan?

by mikEL Tue Sep 09, 2008 10:18 pm

magaling po talaga si kaibigang maru
kaya napahanga niya ako ng todo
wag kayong maniwala na nag edit ay ako
pagkat mga kaibigan di iyon totoo...

pinabasa lang po niya ang kanyang ginawa
pina-tsek niya kung ok o tama
aba ako'y nagulat at sadyang namangha
pagkat isinilang panibagong makata...