...isAng pAnAwAgAn... tulA para sa SSS

by mikEL Wed Sep 03, 2008 11:23 pm

ISANG PANAWAGAN

SSS daw noon kabalikat ng bayan,
Dito s Korea SSS ngayon kinatatakutan,
Pano ang pera na ating pinaghirapan,
Gusto nilang kunin ng ganun-ganon lang.

Maawa naman sana kayo sa amin,
Perang pinaghirapan wag ninyong agawin,
Nakita ba ninyo mga pasakit namin?
Nadama ba ninyo lahat ng aming hilahil?

Pano kami magtitiwala sa inyong kompanya?
Gayong sa SSS maraming anomalya,
Pano nakasisiguro na munti naming pera,
Hindi mapupunta sa bulsa ng iba.

Siguro po ay dapat na ninyong palitan,
Pagkat SSS iba na ngayon ang kahulugan,
Para po sa aming nasa ibang bayan,
SSS sa ngayon Susmaryosep Sobrang Swapang.

Nananawagan po kami sa kinauukulan,
Nais ng SSS wag po ninyong payagan,
Kaming mga bagong bayani wag ninyong nakawan,
Hirap at pighati wag na sanang dagdagan.

Ang akda ko po ay isang panawagan,
Isang panawagan para sa kinauukulan,
Kami po ay umaasang di ninyo papayagan,
Kaming mga Bagong Bayani maiwang luhaan.

by amie sison Thu Sep 04, 2008 12:19 am

maybe we need to attach this poem on the letter for the sss...it will be a big help.

by goodheart Thu Sep 04, 2008 4:43 am

pinaka mabisang sandata ay ang dasal:)

by Cielo Thu Sep 04, 2008 10:18 am

hay!nku malapit na kc eleksyon kaya naghahanap na namn ng pondo ang gov.
bakit kaylangan pa kc nyan ?
marami namn sa mga kababayan nating OFW
may mga self contribution sa sss
bakit kaylangan pang gawin mandatory yan
sana kung cno lang may gus2
isipin na lang natin ung nagyari sa mga teacher sa pinas
anong nagyari sa contribution nila sa SSS?
nakuha ba nila ang eksaktong halaga na inaasahan nilang makuha?
hindi dahil nakurakot na ang pera nila
baka yan din kauwian sa bandang huli ng bagong batas na ito
mas makakabuting magkaisa ang lahat para hindi mapatupad yan Mad

by angel Thu Sep 04, 2008 3:15 pm

Kaibigang Alien sang-ayon ako sa iyong hangarin
Naiintindihan kong mabuti ang iyong mga saloobin
Tulad mo ako ay maituturing na Bagong Bayani rin
Sa usaping ito nagkakaisa ating mga damdamin

Kaya isang tula rin ang aking inihain
Upang mga kababayan ay kumbinsihin
Na tutulan ang di magandang balakin
Ng SSS para sa pera nating kikitain

SSS panawagan nami'y inyo sanang dinggin

Pawis at dugo ang pinuhunan namin
Huwag naman sanang basta balewalain
Nagpapakasakit para lang may makain
Perang pinaghirapan huwag namang kunin

Self Contibution sa SSS na lamang ang gawin
Huwag namang lahat ay dapat pang pilitin
Sana ang Gobyerno natin ito ay intindihin
Kaporanggot na kinikita inyo pa bang hahatiin?

Kami mga OFW ay nagsusumamo't nananalangin
Hirap namin sana ay bigyan ninyo din ng pansin
Huwag sanang pansaraling kapakanan lang ang isipin
Para sa ikauunlad ng pamilya ang aming mithiin

Kung talagang hangad ninyo ay para sa ikabubuti namin
Bakit di ang pag-aalis sa corrupt na tauhan ang unahin
Magandang benipisyo na ibibigay sa amin ay seguruhin
Pakiusap SSS sa anomalya, pangalan ninyo muna ay linisin

by goodheart Thu Sep 04, 2008 4:49 pm

ayos to..balagtasan:) hay naku! dapat yan ang tinira ng milf!

by angel Thu Sep 04, 2008 6:11 pm

goodheart wrote:ayos to..balagtasan:) hay naku! dapat yan ang tinira ng milf!

nyahahaha sis wak naman bka pumunta sa Luzon mga MILF tama ng sa MIndanao na lang lol!

by neon_rq Thu Sep 04, 2008 7:31 pm

bro alien ok ang poem mo ah....
galing mo talaga bro... idol

SSS sana naman inyo munang pag-isipan
Programa ba tunay na kami'y mabebenipisyuhan
Kaming mga OFW sobra ding nahihirapan
Sadami ng kaltas sa sahod namin buwan-buwan

Panahon na para tayo'ymagkaisa mga kababayan
Programang ninanais ng SSS dapat nating tutulan
Huwag pahintulutan, ito'y dapat lamang hadlangan
Ito ay karapatan natin bilang isang mamamayan

May mga monthly contribution naman silang nakukuha
Sa Pilipinas doon, sa mgapribadong kompanya
Ngunit bakit pati pera ng OFW hinahabol pa nila
Ganyan na ba sila ka garapal at ka swapang sa pera

Kaya panawagan namin doon SSS sa atin
Trabaho ninyo muna diyan ay pagbutihin
Serbisyo sa tao ay unahing linisin at ayusin
Sambayanang Pilipino huwag ninyong dayain