...sAnA dO'n sA LAngit...

by mikEL Thu Nov 06, 2008 9:11 pm

SANA DO'N SA LANGIT

Sana do'n sa langit pwedeng magpadala,
Sulat at letrato pati telegrama,
Upang ang mahal kong ama ay makita
Ako'y okey naman dito sa Korea.

Sana do'n sa langit may celfon din sila
Nang di mangulila sa mahal kong ama,
Kahit sobrang mahal ng text o tawag pa,
Di manghihinayang na mag-load tuwina.

Sana do'n sa langit may kompyuter din,
Para maka-chat ko ang ama kong giliw,
Hindi magsasawang siya'y kumustahin,
Kahit sa enternet mahal ang bayarin.

Sana do'n sa langit maaring dumalaw,
Upang mayakap ko ang ama kong hirang,
Ipadarama ko aking pagmamahal,
Upang malaman n'ya mahal siyang tunay.

Sana do'n sa langit ay nakararating,
Pinagsusulatang mga babasahin,
Upang pag nabasa nitong mga Anghel,
Sa'king mga akda sila'y hahanga rin.

(repost q lang po ito
tagal na nga pala req. ito angel
fren cenxa na
nakalimutan q...)