___Araw-araw ay Pasko__

by angel Sat Oct 25, 2008 5:09 pm

__Araw-araw ay Pasko__

Midnight sale sa mga mall ay kaliwa�t kanan
Setyembre pa lamang ito�y kanila ng sinisimulan
Bibingka�t puto bumbong nagkalat na rin sa daan
Kasama�y mainit na salabat paborito ng karamihan

Mga Christmas Tree ay nagniningning at nagtataasan
Bongga talaga kung palamutian ng mga mayayaman
Mga pagkain t�wing Noche Buena nakatatakam tignan
Hamon at keso de bola nag-uumapaw sa hapag-kainan

Samantalang ang iba�y namamalimos sa lansangan
Sa kariton nakatira dahil walang bahay na masilungan
Namumulot ng tirang pagkain kahit pa sa basurahan
Upang kahit paano�y magkaroon ng laman ang tiyan

Suot nila palagi ay mga damit na animo�y basahan
Madudungis ang pagmumukha at pangangatawan
Yapak at walang tsinelas kanilang paa kadalasan
Ang iba mga yagit ng kalsada kung sila�y bansagan

Simple lang naman ang kanilang mga kahilingan
Masaya na sila kahit lumang damit sila�y mabigyan
Makatanggap ng aguinaldo kahit ito ay barya man
Magkaroon ng konting pagkain na mapagsasaluhan

Di masama ang magbigay sa mga nangangailangan
Ang Pasko hindi na dapat hintayin para sila tulungan
Araw-araw maari namang maging parang kapaskuhan
Sabi nga �mas mabuting magbigay kaysa binibigyan� santa