mula noon hanggang ngayon

by mikEL Fri Jul 04, 2008 6:17 pm

MULA NOON HANGGANG NGAYON

Tuwing pagmamasdan,sarili sa salamin,
Hindi maiwasang,ako'y mapailing,
Bakit mga mata,laging walang ning-ning,
Bakit oh pag-ibig,kay-ilap mo sakin?

Di gustong ang puso,malungkot tuwina,
Di gustong puso ko,ay laging magdusa,
Sa dilim ng gabi,bakit nag-iisa?
Araw ba'y sisikat,na ngiti ang dala?

Ang sugat sa puso,ba't di malunasan?
Ligaya kong hangad,kaylan makakamtan?
Puso kong pinatay,kaylan mabubuhay?
Kaylan nga ba ako,sasayang lubusan?

Sabihin mang baliw,aking tatanggapin,
Ituring mang hangal,okey lang sa akin,
Bakit itong puso,hindi mo man pansin?
Sa lahat ng oras,ika'y sasambahin.

Sabihin mang maling,ikaw ang minahal,
Okey lang na maging,mali habambuhay,
Kung maling umibig,ng wagas at dalisay,
Pag-ibig ko sa'yo,baon hanggang hukay.

Mula noon hanggang ngayon,mahal kita sinta,
Pag-ibig walang kupas,puso man magdusa,
Sugatan, paluhain,puso ma'y maaba,
Hindi magsasawang,magmahal at sumamba

(a poem by besfren mikel)