gulong ng palad

by mikEL Sun Jun 29, 2008 12:52 am

GULONG NG PALAD
Ni:Michael B. Balba

Minsan ang pagsubok kapag dumarating,
Sadyang sunod-sunod kayhirap kayanin,
Ang bigat ng mundo kapag nasa atin,
Pagpatak ng luha di kayang pigilin.

Ang sabi ng iba gulong daw ang buhay,
Minsan nasa taas sa baba kadalasan,
Kahit anong gawin tadhana na laan,
Hindi mababago pagkat kapalaran,

Ako'y maralitang pangarap ay umunlad,
Kaya ako ay lumayo sa korea ay napadpad,
Bakit ba ganito gulong ng aking palad?
Kayhirap abutin ng mga pangarap.

Kahit anong sikap ako'y makaahon,
Laging nalulugmok hindi makabangon,
Pa'no lilimutin mapait na kahapon?
Kung gulong ng palad di mabago hanggang ngayon.

Lahat ng alam ko tama ay ginagawa,
Hirap ma'y lumalaban sa hagupit ng tadhana,
Hirap at pasakit ay di alintana,
Matupad lang ang pangarap na malayo sa dalita.

Gulong ng aking palad ngayon man ay magulo,
Patuloy na lalaban upang ito ay mabago,
Sa takot at pangamba hindi patatalo,
Upang lumiwanag gulong ng palad ko...